काठमाडौं । चीनबाट नेपाल भ्रमणमा आउने पर्यटक बढेसंगै नेपाल तर्फ आउने चिनियाँ बिमान कम्पनीहरु पनि बढ्दै गएका छन् ।
नेपालमा अन्तर्राष्ट्रिय उडान भर्ने एयरलाइन्समा भारतबाट आउने भन्दा चीनतर्फ बाट आउने एयरलाइन्स दोव्वरले बढी भएको छ । सन् २०१७ को पहिलो ६ महिनमा चीनबाट ५२ हजार ८४ पर्यटकले नेपाल भ्रमण गरेका छन् ।
चीनमा आन्तरिक उडान भर्दै आएको तिव्वत एयरलाइन्सले मंगलबार देखि छेन्दू-काठमाडौं-छेन्दू सिधा उडान सुरु गरेसंगै काठमाडौंमा उडान भर्ने चिनियाँ विमान कम्पनी ६ वटा पुगेको हो ।
मंगलबारदेखि छेन्दूबाट तिब्बत एयरलाइन्सले उडान सुरुगरेपछि अव काठमाडौंमा चिनियाँ ध्वजाबाहक जहाज ६ वटा पुगेको छ ।
यसैगरी भारतबाट आउने एयरलाइन्स संख्या ३ वटा मात्रै रहेको छ । हाल चीनको ल्हासा र छेन्दूबाट दैनिक एयर चाइना, कुन्मिङबाट चाइना इस्टर्न, ग्वाङजाउबाट चाइना साउर्दन, ल्हासा र छेन्दूबाट सिचुवान र हङकङबाट ड्रयागन सहित ५ वटाले उडान भर्दैै आएका छन् ।
मंगलबारदेखि छेन्दूबाट तिब्बत एयरलाइन्सले उडान सुरुगरेपछि अव काठमाडौंमा चिनियाँ ध्वजाबाहक जहाज ६ वटा पुगेको छ ।
यता भारतबाट कोलकत्ता र नयाँ दिल्लीबाट एयर इन्डिया, दिल्लीबाट इन्डिगो र मुम्बई तथा दिल्लीबाट जेट एयरले उडान भर्दै आएको छ ।
मंगलबार बाट उडान थालेको तिव्वत एयरलाइन्सले गत असार ५ गते आधारभूत प्रामाणिक उडान सम्पन्न गरेको थियो ।
एयरलाइन्सले सातामा ४ वटा उडान भर्ने लक्ष्य लिएको छ । एयरलाइन्सले सोमबार, मंगलबार, बिहीबार र शनिबार उडान गर्ने एयरलाइन्सको आधिकारिक बिक्रेता हिमालय एयरलाइन्सले जनाएको छ ।
एअरलाईन्सले यात्रुहरुको सुविधालाई ध्यानमा राख्दै ८ वटा विजनेश क्लास र १२० वटा इकोनोमी क्लास, जम्मा १२८ सिट भएको एअरबस ए-३१९ विमानबाट सेवा प्रदान गर्नेछ ।
ल्हासा, गोनगार एअरपोर्ट, तिब्बत, चिनमा अबस्थित तिब्वत एअरलाईन्सले आफनो उडान २६ जुलाई २०११ मा शुरु गरेको हो र यो एअरलाईन्स कम्पनीले हाल चिन भित्र आन्तरिक उडानहरु गर्दै आईरहेको छ ।
दुई देशबाट नेपाल आउने एयरलाइन्स
| चीनबाट नेपाल आउने | भारतबाट नेपाल आउने |
| एयर चाइना | एयर इन्डिया |
| चाइना इस्टन | इन्डिगो एयर |
| चाइना साउर्दन | जेट एयर |
| सिचुवान एयरलाइन्स | |
| ड्रयागन एयर | |
| तिव्वत एयरलाइन्स |
SHARE YOUR THOUGHTS