काठमाडौं । लामो समयसम्म समन्वय र सहयोगको विषयमा विवादले रोकिएको काठमाडौं महानगरपालिकाभित्रको तार व्यवस्थापनको काम आजबाट सुरु भएको छ । महानगर क्षेत्रभित्र रहेका अव्यवस्थित तारलाई व्यवस्थित बनाउने काम सुरु भएको हो ।
नेपाल दूरसञ्चार प्राधिकरण र इन्टरनेट सेवा प्रदायक कम्पनीहरुले तार व्यवस्थित बनाउने काम सोमबारबाट थालेको महानगरपालिकाले जनाएको छ ।
आइतबार महानगरपालिका र नेपाल दूरसञ्चार प्राधिकरण, इन्टरनेट सेवा प्रदायक कम्पनीका प्रतिनिधिलगायतसँग भएको छलफलपश्चात भएको निर्णय बमोजिम सोमबार बाट तार व्यवस्थित बनाउने काम सुरु भएको हो ।
यसअघि महानगरले सूचना प्रकाशित गर्दै तार व्यवस्थित गराउन र नगरेमा आफैंले हटाउने बताएको थियो । तर, सम्बन्धित इन्टरनेट सेवा प्रदायक, नेपाल दूरसञ्चार प्राधिकरणलगायतले सूचना प्रविधि तथा सञ्चार मन्त्रालयमा यो विषयमा पत्र लेखेपछि सबै स्थानीय तहलाई अन्धाधुन्ध तार नहटाउन र त्यसो गर्दा सेवा अवरुद्ध भएको भन्दै समन्वयमा काम गर्न परिपत्र पनि जारी भएको थियो ।
महानगरपालिका र अन्य सम्बन्धित सेवा प्रदायक तथा निकायहरुबीच भएको आइतबारको बैठकपछि भने समन्वयमै तार हटाउने काम सुरु भएको छ । नेपाल दूरसञ्चार प्राधिकरणले सूचना प्रकाशन गरि १३ स्थानमा तार हटाउन थालिएको जानकारी दिएको छ ।
यी हुन् रुट
