नेकपा माओवादी केन्द्रका प्रमुख सचेतक हितराज पाण्डेले अर्थतन्त्रलाई गतिशील बनाउन उत्पादन वृद्धिमा जोड दिनुपर्ने बताएका छन् । प्रतिनिधि सभा बैठकको विशेष समयमा शुक्रबार प्रमुख सचेतक पाण्डेले देशको आर्थिक अवस्थालाई अझ गतिशील बनाउनुपर्ने बताएका हुन् ।
अर्थतन्त्रलाई गतिशील बनाउन उत्पादन वृद्धिमा जोड दिनुपर्ने उनको भनाइ छ । उनले प्राकृतिक स्रोत, साधनको सदुपयोगमा पनि ध्यान दिनुपर्ने धारणा राखे ।
उनले संघीयताको कार्यान्वयनका लागि तीनै तहका सरकारबीच समन्वय र सहकार्य आवश्यक रहेको बताए । यसका लागि संघीय सरकारले पहलकदमी लिनुपर्ने उनको भनाइ छ ।
संघीयताको कार्यान्वयनमा संघीय संसदको पनि भूमिका हुने भन्दै प्रमुख सचेतक पाण्डेले आवश्यक कानुन निर्माणका विषयमा आत्मसमीक्षा गर्नुपर्ने बताए ।
प्रतिक्रिया