शिक्षा मन्त्रालयले रोकेको एनओसी दिन फेरि सुरु गर्यो, विद्यार्थीलाई राहत

काठमाडौं । शिक्षामन्त्रालले डिप्लोमा तथा भाषा अध्ययनका लागि विदेश जाने विद्यार्थीका लागि यस अगाडि रोकेको नो अब्जेक्सन लेटर ९एनओसी० फेरि दिन सुरु गरेको छ ।

शिक्षा तथा विज्ञान प्रविधि मन्त्रालय बैदेशिक अध्ययन अनुमति शाखाका उप सचिव महेश्वर शर्माका अनुसार आइतबारदेखि पुनः एनओसी दिन सुरु गरिएको छ ।

उनले क्लिकमाण्डूसँग भने, ‘सर्वोच्च अदालतबाट निर्णय नआउँदासम्मका लागि सबै विद्यार्थीलाई एनओसी दिने निर्णय भएको छ, आज आइतबारदेखि एनओसी दिन सुरु गरिएको छ ।’

यस अगाडि गत जेठ २९ गते मन्त्रालयले एक सूचना जारी गर्दै एनओसी दिन बन्द गरेको थियो । जसले गर्दा डिप्लोमा तथा भाषा अध्ययनका लागि अष्ट्रेलिया, जापानलगायतका मुलुकमा जान तयारी अवस्थामा रहेका विद्यार्थी मारमा परेका थिए ।

मन्त्रालयले छात्रवृत्ति सम्बन्धि ऐन २०२१ संशोधन सहितको नियम २७ ९क० बमोजिम विदेशमा उच्च शिक्षा अध्ययन गर्न जाने विद्यार्थीलाई एकेडेमी ब्रिजकोर्स, भाषाका कोर्सका लागि एनओसी नदिने निर्णय गरेको थियो ।

नो अब्जेक्सन लेटर मुद्रा सटहीका लागि आवश्यक पर्छ । विद्यार्थीहरुले विदेशस्थित आफू जान लागेको विश्वविद्यालय तथा कलेजमा पहिले नै निश्चित शुल्क बुझाउनुपर्छ । त्यसै प्रयोजनका लागि एनओसी जारी गरिन्छ ।

मन्त्रालयको उक्त निर्णय विरुद्धमा सर्वोच्च अदातमा मुद्धा परेको थियो । जसमा अदालतले अन्तरिम आदेश जारी गरेको थियो ।

शर्माका अनुसार सर्वोच्च अदालतबाट फैसला नआउँदासम्म सबैलाई एनओसी दिइनेछ ।