कालोसूचीमा परेको व्यक्तिले निक्षेप खाता खोल्न नपाउने

काठमाडौं । बैंक तथा वित्तीय संस्थाको ऋण नतिरेर कालोसूचिमा परेको व्यक्तिले बैंकमा निक्षेप खाता खोल्न नपाउने भएका छन् । नेपाल राष्ट्र बैंकले एकीकृत निर्देशन २०७८ मा संशोधन गर्दै कालोसूचिमा परेको व्यक्तिको निक्षेप खाता खोल्न नहुने व्यवस्था गरेको छ ।

‘इजाजतपत्रप्राप्त संस्थाले कुनै पनि खाता खोल्नुपूर्व कर्जा सूचना केन्द्रको विवरणअनुसार निक्षेपकर्ता कालोसूचीमा नरहेको यकिन गरेर मात्र खाता खोल्नु पर्नेछ,’ बिहीबार जारी भएको एकीकृत निर्देशनको संशोधनमा भनिएको छ ।