अख्तियार दुरुपयोग अनुसन्धान आयोगल मुगुको छायाँनाथ रारा नगरपालिकाकी तत्कालीन उपप्रमुख सुन्तला रोकायासहित ११ जना विरुद्ध भ्रष्टाचार मुद्दा दायर गरेको छ ।
स्वास्थ्य चौकीमो पर्खाल निर्माणमा ७ लाख ५७ हजार हिनामिना गरेको आरोपमा अख्तियारले उपप्रमुख रोकायासहित निमित्त प्रमुख प्रशासकीय अधिकृत ललितजंग मल्ल, इन्जिनियर पदमबहादुर बुढा र सब-ओभरसियर (करार) गडबहादुर बुढालाई भ्रष्टाचारलगायतलाई विशेष अदालतमा मुद्दा दायर गरेको हो ।
मुद्दा दायर गरिएकाहरुमा १३ नम्बर वडाका तत्कालीन अध्यक्ष चक्रबहादुर सावत, तत्कालीन कार्यपालिकाका सदस्यहरु हजरकला कामी र हरिनी नेपाली, ११ नम्बरका वडाका तत्कालीन अध्यक्ष दानबहादुर बुढा, उपभोक्ता समितिका अध्यक्ष जीवनबहादुर बुढा, सचिव केशबहादुर बुढा र कोषाध्यक्ष सृजना बढुवाल छन् ।
उनीहरुविरुद्ध भ्रष्टाचार निवारण ऐन २०५९ को दफा ८ को उपदफा (१) बमोजिम कैद र बिगोबमोजिमको जरिवाना गरी बिगो असुलउपर गर्न मागदाबी गरिएको अख्तियारका प्रवक्ता श्यामप्रसाद भण्डारी जानकारी दिए ।
SHARE YOUR THOUGHTS