लगानी गर्ने पैसाको अभाव हुँदापनि बैंकहरुको कमाइ मालामाल, नाफा ३०% ले बढ्यो (सूचिसहित)

काठमाडौं । लगानी योग्य रकम (तरलता) अभावले ग्रस्त हुँदा पनि बैंकको नाफामा भने राम्रो सुधार भएको छ । २८ वटा वाणिज्य बैंकको नाफा एक वर्षको ३०.०९ प्रतिशतले बढेको छ ।

आजको दिनमा नाफाको बृद्धिदर ३० प्रतिशतले बढ्नु भनेको निकै राम्रो प्रगति हो । केही बैंकहरुको नाफा लोभलाग्दो तरिकाले बढेपनि केही बैंकको भने सन्तोषजनकरुपमा बढ्न सकेको छैन ।

चालू आर्थिक वर्षको शुरुवाती महिनादेखि नै बैंकिङ प्रणाली तरलता अभावको समस्याले नराम्रोसँग जेलिएको छ । ऋणको माग पर्याप्त भएपनि लगानी गर्ने पैसा नभएर बैंकहरुले ऋण दिन सकिरहेका छैनन् ।

व्यवसायीहरु बैंकको चर्को ब्याजदरका कारण उद्योगधन्धाको अबस्था दिनानूदिन कमजोर भएको भन्दै आन्दोलन गरिरहेका बेला बैंकहरुले उल्लेख्य बढाएको रिपोर्ट सार्वजानिक गरेका हुन् । यसले बैंकको नाफामा थप नजर लाग्नसक्ने देखिन्छ ।

२८ बैंकमध्ये १५ बैंकले ६ महिनामै अर्ब बढी नाफा कमाएका छन् । राष्ट्रिय वाणिज्य बैंक, नविल बैंक, नेपाल इन्भेष्टमेन्ट बैंकल क्रमशः २ अर्ब ४० करोड ९९ लाख, २ अर्ब १७ करोड ६८ लाख, १ अर्ब ९७ करोड ५५ लाखरुपैयाँ नाफा कमाएका छन् ।

सबैभन्दा कम नाफा कमाउने बैंकको सिभिल बैंक रहेको छ । सिभिलले जम्मा ३५ करोड ९७ लाख रुपैयाँ मात्रै नाफा कमाएको छ ।