१८० दिनमै अर्ब कमाउने सूचिमा एनआइसी एशिया, प्रभु, ग्लोबल, एसबिआई र सिद्दार्थ बैंक थपिए

काठमाडौं । सञ्चालनमा रहेका २८ बैंकमध्ये १३ वटा बैंकले चालू आर्थिक वर्षको दोस्रो त्रैमास (पुस मसान्त) को वित्तीय विवरण सार्वजानिक गरेका छन् । जसमध्ये ८ वटा बैंकले ६ महिनामै अर्ब कमाएका छन् ।

अर्ब कमाउने ८ वटा बैंकमध्ये पनि ५ वटा बैंकले पहिलोपटक ६ महिनामै अर्ब कमाउन सफल भएका हुन् । एनआइसी एशिया, प्रभु, ग्लोबल आइएमइ, एसबिआई र सिद्दार्थ बैंकले पहिलोपटक ६ महिनामै अर्बभन्दा बढी नाफा कमाएका हुन् ।

नविल, इन्भेष्टमेन्ट, एभरेष्ट बैंकले गत वर्षको पुसमै अर्बभन्दा बढी नाफा कमाएका थिए ।

वित्तीय विवरण सार्वजानिक गर्ने १३ बैंकमध्ये सानिमा, सनराइज, सिटिजन्स, कुमारी र माच्छापुच्छे« बैंकको नाफा अर्ब भन्दा छ । अर्ब नकटने बैंकको पनि नाफा गत आर्थिक वर्षको सोहि अवधिको तुलनामा उल्लेख्य बढेको छ ।

यो अवधिमा सबै भन्दा बढी नाफा कमाउनेमा नबिल बैंक रहेको छ । नबलिले २ अर्ब १७ करोड ६८ लाख ६२ हजार रुपैयाँ नाफा आर्जन गरेको छ ।

सबैभन्दा बढी निक्षेप संकलन गर्ने बैंकमा एनआईसी एसिया बैंक छ । एनआईसीले १ खर्ब ७५ अर्ब ७६ करोड ४३ लाख ५६ हजार रुपैयाँ रहेको छ । दोस्रोमा नबिल बैंंक रहेको छ भने तेस्रोमा इन्भेष्टमेन्ट बैंक रहेको छ ।

यस्तै लगानीतर्फ पनि एनआईसी एसिया एसिया बैंक नै रहेको छ ।  एनआईसी बैंकको १ खर्ब ४९ अर्ब ३० करोड ३९ लाख ४४ हजार रुपैयाँ रहेको छ ।

ऋण लगानी गर्नेमा पनि नबिल र इन्भेष्टमेन्ट बैंक दोस्रो र तेस्रो स्थानमा रहेका छन् । एनआईसी एसिया बैंक नाफा आर्जनमा अन्यभन्दा कमजोर देखिएपनि निक्षेप संकलन र कर्जा लगानीमा अग्रस्थानमा देखिएको छ ।