काठमाडौं । लामो समयदेखि रोकिएको नयाँ ट्याक्सी दर्ता प्रक्रिया खुलाउनुपर्ने माग सहित यातायात विभागमा माग गरिएको छ ।
अभियन्ता रामबहादुर थापाले ट्याक्सी दर्ता तत्काल खोल्नुपर्ने माग गर्दै विभागमा निवेदन दिएका हुन ।
उनले भने, ‘लामो समयदेखि ट्याक्सीको दर्ता रोकिएको छ, यसलाई यथाशक्य छिटो खुलाउनुपर्छ त्यसैले विभागमा निवेदन दिएको हुँ ।’
गत साउन १२ गते थापाले दिएको निवेदनमा ५ वटा माग राखेका छन् ।
जसमा २० वर्ष गर्ने ट्क्यासीसँगै उक्त ट्याक्सीको नम्बर प्लेट पनि खारेज गर्नुपर्ने, पुराना नम्बर प्लेट १० लाख रुपैयाँदेखि ११ लाख रुपैयाँसम्म बिक्री भइरहेकोमा रोक लगाउने र पुराना नम्बर प्लेटलाई फेरि नयाँ ट्याक्सीमा दर्ता गर्न नपाउने माग गरिएको छ ।
साथै नयाँ ट्याक्सी दर्ता खोल्नका लागि व्यवस्था मिलाउनुपर्ने र ट्याक्सीमा यात्रु चढ्ने वित्तिकै १४ रुपैयाँ लिने व्यवस्था तत्काल हटाउनु पर्ने मागमा समावेश गरिएको छ ।
थापाले लामो समयदेखि दर्ता बन्द हुँदा काम गर्न चाहने व्यक्तिहरु मारमा परेको बताए । अहिले राजधानीमा ९ हजार वटक ट्याक्सी सञ्चालनमा छन् ।
जसमा २०५७ जेठ १७ गते दर्ता खोल्दा ७५०० ट्याक्सी दर्ता भएका थिए । जसमा ५६५० ट्याक्सी मात्रै अहिले सञ्चालनमा छन् ।
त्यसपछि २०७२ जेठ २८ गते थप ३३५० वटा ट्याक्सी दर्ता गरिएको थियो । जसमा १४ वटा जिल्लाका भूकम्प पीडितलाई १५ सय ट्याक्सी दिइएको थियो । जसका लागि १ लाख ४९ हजार ५५८ जनाले आवेदन दिएका थिए । त्यस्तै, तत्कालिन समयमा सर्वसाधरणलाई ७००, चालकलाई ५०० र ट्याक्सी धनीलाई ६५० वटा ट्याक्सी दर्ता गरिएको थियो ।
थापाका अनुसार एयरपोर्टमा रहेका ट्याक्सीको कार्टेलिङ समेत रहेको भन्दै त्यसलाई समेत हटाउन माग गरे । उनका अनुसार एयरपोर्टमा रहेका ट्याक्सी २०५० सालमा दर्ता भएका र २०७ वटा मात्रै सञ्चालनमा आउँदा अन्य मारमा परेको बताए ।
उनले भने, ‘२६ वर्षदेखि ट्याक्सी दर्ता खुलेको छैन्, त्यसमाथि मिटरमा पनि एयरपोर्टका ट्याक्सी जाँदैनन यसले यात्रुसँगै अन्य चालकलाई पनि मारमा परेको छ, त्यसैले दुबैतर्फका ट्याक्सीहरुको दर्ता तत्काल खोल्नुपर्छ ।’
SHARE YOUR THOUGHTS