काठमाडौं । कर्मचारी संचय कोषमा डेढवर्षदेखि अवैध रुपमा काम प्रमुख प्रशासकको रुपमा तुलसीप्रसाद गौतमले काम गरेको खुलेको छ ।
सरककारले गौतमलाई २०७५ सालको असोज ७ गते प्रमुख प्रशासक पदमा नियुक्ति गरेको थियो ।

नेपाल सरकारकार सहसचिव रहेका गौतमलाई सरकारलले कोषको प्रमुख प्रशासक बनाएको थियो । ५८ वर्षे उमेरहदको कारण गौतमले २०७६ सालको जेठ १५ गते अवकास पाएका थिए ।

कर्मचारी संचय कोष ऐनमा कोषको प्रमुख प्रशासक बन्नको लागि संचयकोषको संचयकर्ता बन्नुपर्ने व्यवस्था छ ।

‘निवर्तमान अर्थमन्त्री खतिवडाको प्रियपात्र भएको कारण गौतमले डेढवर्षदेखि कानून विपरित संचयकोषमा प्रमुख प्रशासकको रुपमा काम गर्न पाएका छन्,विगतको नजिर हेर्ने हो भने डेढवर्ष अगाडि नै गौतमले पदबाट अवकास पाउनुपर्ने थियो,’कोषका एक अधिकारीले भने ।

डेढवर्षदेखि कानून विपरित प्रमुख प्रशासकको रुपमा काम गर्दै आएपछि गौतमको कामलाई लिएर संचयकोषभित्र असन्तुष्टी समेत भएको छ । केही सार्वजनिक संस्थाको सेयर खरिद गर्दा कोषका उच्च कर्मचारीबीच असन्तुष्टी छ ।

अर्थमन्त्रालयले विगतमा कोषको संचयकर्ता नभएको भनेर डा रमेशकुमार भट्टराईलाई पदबाट अवकास दिएको थियो । अर्थमन्त्रालयले २०६८ साल पुस १४ गतेको दिन तत्कालिन कर्मचारी संचय कोषका प्रमुख प्रशासक डा रमेशकुमार भटराईलाई प्रशासक पदबाट अवकास दिने पत्र दियो ।

पत्रमा त्यो बेलाका प्रमुख प्रशासक भट्टराईको ११ औ तहको पदावधी २०६८ सालको मंसिर २५ गते सकिएको हुँदा सोही मितिले लागु हुने गरेर प्रमुख प्रशासकबाट अवकास दिएको थियो ।

त्यसपछि खुल्ला प्रतिस्पर्धाबाट कृष्ण आचार्य प्रमुख प्रशासकमा चयन भएका थिए ।

डेढवर्षदेखि कानून विपरित प्रमुख प्रशासक पदमा रहेका गौतम विरुद्द अहिले सर्बोच्च अदालतमा समेत मुद्दा दायर भएको छ । सर्बोच्च अदालतमा अधिवक्ता जयबहादुर भुजेलले रिट दर्ता गरेका हुन् ।

संचयकोषमा प्रमुख प्रशासक हुन कोषको संचयकर्ता हुनुपर्ने कानूनी व्यवस्था रहेको तर,गौतम संचयकर्ता नभएको हुँदा कानूनी विपरित पदमा रहेको भन्दै सर्बोच्चमा रिट परेको हो ।

कोषको अध्यक्षमा अर्थमन्त्रालयका राजस्व सचिव रामशरण पुडासैनी रहेका छन् । संचय कोषले अहिले संचयकोष तथा सरकारी कर्मचारीको निवृतिभरणको समेत काम गर्दै आएको छ । अहिले कोषमा संचयकर्ताको संख्या ६ लाख २८ हजार पुगेको छ । यस्तै निवृतिभरणमा १४ हजार ४ सय जना पुगेका छन् ।

गौतम अहिले हिमालयन बैंकका संचालक समितिका अध्यक्ष हुन् ।