पोखरा । पर्यटकीय नगरी पोखरामा २२औं पोखरा स्ट्रिट फेस्टिबल बुधबारदेखि शुरु भएको छ ।
कोरोना महामारीको असरका कारण ठप्प प्रायः भएको पोखराको पर्यटनलाई चलायमान बनाउने उद्देश्य अनुरुप तीन दिने स्ट्रिट फेस्टिबल आयोजना गरिएको हो ।
स्वास्थ्य सम्बन्धि सम्पूर्ण मापदण्ड पालना गरेर फेस्टिबल आयोजना गरिएको आयोजकको दावी छ ।
कोरोना महामारीको असर कम भएसँगै पोखरामा होटलहरु खुल्ने क्रम शुरु भए पनि अझैसम्म पूर्णरुपमा होटल तथा अन्य व्यवसाय खुल्न सकेका छैनन् ।
‘आन्तरिक पर्यटन प्रबद्र्धन गर्ने उद्देश्यले पोखरामा फेस्टिबल शुरु भएको छ,’ गण्डकी प्रदेशका मुख्यमन्त्री पृथ्वीसुब्बा गुरुङले भने, ‘पोखरा खुला र सुरक्षित छ भन्ने सन्देश दिन फेस्टिबल आयोजना गरिएको हो ।’
कार्यक्रममा बोल्दै गुरुङले मौद्रिक नीतिमा व्यवस्था भए अपनुसार पुनर्कर्जा पाउनुपर्ने व्यक्तिले नपाएको विषयमा आफूले प्रधानमन्त्री, अर्थमन्त्री र गभर्नरलाई ध्यानाकर्षण गराउने बाचा गरे ।
प्रतिक्रिया