काठमाडौं । नागरिक उड्डयन प्राधिकरण (क्यान)को महानिर्देशकमा प्रदीप अधिकारी नियुक्त भएका छन् ।
प्राधिकरणका आयोजना प्रमुख समेत रहेका अधिकारी क्यानका ११औं तहका कर्मचारी हुन् ।
आफू नियुक्त भएको सूचना पाए पनि पत्र नआएको अधिकारीले क्लिमाण्डूसँग भने ।
‘म नियुक्त भएको सूचना मन्त्रीज्यूबाट पाँ तर पत्र आइसकेको छैन,’ उनले भने ।
मंगलबारको क्यान बोर्ड बैठकमा समेत पर्यटनमन्त्री प्रेम आलेले महानिर्देशकमा अधिकारीलाई नियुक्त गरेको जानकारी गराएको एक बोर्ड सदस्यले जानकारी दिए ।
स्रोतका अनुसार सोमबार बसेको मन्त्रिपरिषदको बैठकले अधिकारीलाई महानिर्देशकमा नियुक्त गरेको हो ।
यसअघि महानिर्देशक पदबाट राजन पोख्रेलले राजीनामा दिएपछि उक्त पदमा राजकुमार क्षेत्री नियुक्त भएका थिए ।
त्यसपछि सरकारले निमित्त महानिर्देशकमा प्रेमनाथ ठाकुरलाई नियुक्त गरेको थियो ।
महानिर्देशकको दौडमा हाल निमित्त महानिर्देशक समेत रहेका १२औं तहका प्रेमनाथ ठाकुर, १२औं तहका भोलाप्रसाद गुरागाँइ र १२औं तहका प्रतावबाबुर तिवारी समेत थिए ।
SHARE YOUR THOUGHTS