जाल्पा सामुदायिक लघुवित्तको आइपीओ बाँडफाँट, २६ लाखभन्दा बढीको हात खाली

काठमाडौं । जाल्पा सामुदायिक लघुवित्त वित्तीय संस्थाको (साधारणा सेयर) आइपीओ बाँडफाँट भएको छ । आइपीओमा आवेदन दिएका मध्ये ४८ हजार ७९० जना अवोदकले गोलाप्रथाबाट १० कित्ताका दरले सेयर पाएका छन् ।

कम्पनीले माघ २१ देखि २५ गतेसम्म ५ करोड २२ लाख रुपैयाँको ५ लाख २२ हजार कित्ता आइपीओ निष्काशन गरेकोमा ८ हजार कित्ता कम्पनीका कर्मचारी र २६ हजार १ सय कित्ता सेयर सामूहिक लगानी कोषलाई छुट्याएर सर्वसाधारणलाई ४ लाख ८७ हजार ९०० कित्ता निष्काशन गरेको थियो ।

आइपीओमा २६ लाख ५९ हजार ५४० जना आवेदकले ३ करोड २६ लाख २० हजार ५८० कित्ताका लागि आवेदन दिएका थिए । यसको बिक्री प्रबन्धकमा प्रभु क्यापिटल रहेको छ ।