किन देखियो सेयर बजारमा हरियाली ?

काठमाडौं । सोमबार सेयर बजारमा दोहोरो अंकको सुधार आएको छ । बजारमा दोहोरो अंकको सुधार आउँदा कारोबार रकम भने बढ्न सकेको छैन ।

यो दिनको कारोबारमा बजार मापन गर्ने सूचक १७.९९ अंकले बढेर परिसूचक २६३४.५७ बिन्दुमा रोकिएको छ । ठूला कम्पनीको कारोबार मापन गर्ने सेन्सेटिभ इन्डेक्स १.८८ अंकले बढेर परिसूचक ४९६.२६ बिन्दुमा रोकिएको छ ।

सोमबार २३१ कम्पनीको ५१ लाख ८९ हजार ८३ कित्ता सेयर २ अर्ब ५९ करोड २७ लाख १८ हजार १३१ रुपैयाँको सेयर किनबेच भएको छ ।

बजारमा सुधार आउँदा अधिकांश समूहको उपसूचकमा सुधार देखिएको छ । यो दिन बैंकिङ ५.९२, विकास बैंक १३३.९६, फाइनान्स ५६.०४, जलविद्युत ८३.६७, जीवन बीमा १७२.३५, माइक्रोफाइनान्स ३३.३७, निर्जीवन बीमा समूहको उपसूचक ४६.२९ अंकले बढेको छ । सरकारले स्थानीय तहको निर्वाचनको मिति तोकेयता बजारमा बहार आउन सकेको थिए ।

निर्वाचनको समयमा बजार बढ्ने गरेको छ । जानकार लगानीकर्ताका अनुसार अब भने विस्तारै बजारले नयाँ नयाँ गति लिने सम्भावना देखिन थालेको छ । सोमबारको बढोत्तरीलाई पनि निर्वाचनसँग जोडेर हेर्न सकिने लगानीकर्ताहरुको भनाइ छ ।