काठमाडौं । पच्चीस लाख भन्दा बढी बीमाङ्कका बीमालेखमा इच्छाईएको व्यक्तिसँगको सम्बन्ध खुल्ने कागजात अनिवार्य चाहिने भएको छ ।
नेपाल बीमा प्राधिकरणले इजाजतपत्र प्राप्त सम्पूर्ण जीवन बीमा कम्पनीहरुलाई पच्चीस लाख भन्दा बढी बीमाङ्कका बीमालेख जारी गर्दा उक्त बीमालेखमा इच्छाईएको व्यक्तिसँगको सम्बन्ध खुल्ने कागजात अनिवार्य लिन निर्देशन दिएको हो ।
सम्पत्ति शुद्धिकरण तथा आतंकवादी क्रियाकलापमा वित्तीय लगानी निवारण सम्बन्धमा बीमकले अपनाउने पर्ने निरोधात्मक उपायहरुलाई थप प्रभावकारी बनाउन तथा बीमा क्षेत्रमा हुने आर्थिक अपराधलाई न्यूनीकरण गर्न भन्दै प्राधिकरणले यस्तो निर्देशन दिएको हो ।
बीमालेखमा हिताग्राही/मनोमानी उल्लेख गर्दा निजको पहिचान सम्बन्धी कागजात(नागरिकता वा सरकारी निकायबाट जारी परिचय खुल्ने अन्य कागजात) अनिवार्य लिनुपर्ने व्यवस्था गर्न समेत प्राधिकरणले जीवन बीमा कम्पनीहरुलाई अनुरोध गरेको छ । यस्तै, बीमालेखमा हिताग्राही/मनोनित उल्लेख गर्दा उक्त व्यक्ति उच्च राजनैतिक व्यक्ति भए/नभएको एकीन गर्नुपर्ने प्राधिकरणले निर्देशन दिएको छ ।
SHARE YOUR THOUGHTS