लक्ष्मी क्यापिटलले ‘लक्ष्मी भ्यालु फन्ड-२’ निष्कासन गर्ने

काठमाडौं । लक्ष्मी क्यापिटलले लक्ष्मी भ्यालु फण्ड–२ निष्कासन गर्ने भएको छ ।

कम्पनीले साउन ५ गतेदेखि बन्दमुखी योजना ‘लक्ष्मी भ्यालु फन्ड–२’ प्रति इकाई १० रुपैयाँका दरले ८ करोड इकाई निष्कासन गर्न लागेको हो ।

जसमा १ करोड २० लाख इकाई वा कोष प्रवर्द्धक लक्ष्मी बैंकलाई छुट्याइएको छ । बाँकी ६ करोड ८० लाख इकाई सर्वसाधारणका लागि निष्कासन गरिने छ । न्यूनतम १०० इकाईदेखि अधिकतम ८० लाख इकाईका लागि आवेदन दिन सकिनेछ ।
यसमा साउन ९ गतेसम्म आवेदन दिन सकिनेछ । उक्त अवधिमा माग अनुसार आवेदन नपरेमा साउन १९ गतेसम्म आवेदन दिन सकिने छ । यसमा सी आश्वा सदस्य रहेका बैंक तथा वित्तीय संस्था र मेरो सेयर मार्फत आवेदन दिन सकिने छ ।