सन्दीप लामिछानेविरूद्ध बलात्कार मुद्दा: पीडितकी आमाको जन्ममिति यकिन गर्न अदालतको आदेश

काठमाडौं । बलात्कार अभियोगमा मुद्दा खेपिरहेका क्रिकेटर सन्दीप लामिछानेको मुद्दामा पीडितकी आमाको जन्ममिति यकिन गर्न जिल्ला अदालत काठमाडौंले आदेश दिएको छ ।

न्यायाधीश राजुकुमार खतिवडाको इजलासले बिहीबार पीडितकी आमाको जन्ममिति यकिन गर्न आदेश दिएको हो ।

पीडितको उमेर सम्बन्धी कागजातमा उनकी आमाको उमेर दुईवटा देखिएपछि इजलासले पीडितकी आमाको जन्ममिति यकिन गर्न आदेश दिएको हो ।

राष्ट्रिय क्रिकेट टिमका पूर्वकप्तानसमेत रहेका सन्दीपविरूद्ध भदौ २१ गते एक किशोरीले आफूमाथि जबरजस्ती करणी गरेको भन्दै प्रहरीमा जाहेरी दिएकी थिइन् ।