वाणिज्य बैंकले तिर्ने आयकर १.५२ प्रतिशतले मात्रै बढ्यो, प्रतिसेयर आम्दानी निरन्तर घट्दै « Eglish Khabarhub

वाणिज्य बैंकले तिर्ने आयकर १.५२ प्रतिशतले मात्रै बढ्यो, प्रतिसेयर आम्दानी निरन्तर घट्दै


१५ भाद्र २०८०, शुक्रबार ००:००  

पढ्न लाग्ने समय :[rt_reading_time] मिनेट


0
Shares
  • change font
  • change font
  • change font
  • [simplicity-save-for-later]

काठमाडौं । बैंक वित्तीय संस्थाको नाफा वृद्धिदर सुस्त हुँदा सरकारले तिर्ने आयकरको वृद्धिदर पनि घट्दै गएको छ । नेपाल बैंकर्स संघका अनुसार अघिल्लो वर्षभन्दा २० वाणिज्य बैंकको नाफा ५.९२ प्रतिशतले वृद्धि हुँदा बैंकहरुले सरकारलाई तिर्ने आयकर १.५२ प्रतिशतले बढेको हो ।

गत आर्थिक वर्षमा वाणिज्य बैंकले अघिल्लो वर्षभन्दा ४४ करोड रुपैयाँ आयकर सरकारलाई तिरेका छन् । संघका अनुसार अघिल्लो आर्थिक वर्ष (२०७८/७९) मा २० वाणिज्य बैंकले २८ अर्ब ९६ करोड रुपैयाँ आयकर तिरेका थिए । गत आर्थिक वर्ष (२०७९/८०) मा वाणिज्य बैंकहरुले २९ अर्ब ४० करोड रुपैयाँ आयकर तिरेका छन् ।

वाणिज्य बैंकहरुले अघिल्लो आर्थिक वर्षमा ६६ अर्ब २५ करोड रुपैयाँ नाफा कमाएका थिए । गत आर्थिक वर्षमा वाणिज्य बैंकको नाफा ३ अर्ब ९२ करोड रुपैयाँले बढेर ७० अर्ब १७ करोड रुपैयाँ पुगेको हो । गत आर्थिक वर्षका सबै तथ्यांक लेखापरीक्षण हुनुभन्दा अगाडिका हुन् ।

गत वर्ष वाणिज्य बैंकहरुको कर्जा नोक्सानी प्रोभिजनसमेत बढेको छ । अघिल्लो आर्थिक वर्षमा वाणिज्य बैंकहरुले खराब कर्जाका लागि १३ अर्ब ३४ करोड रुपैयाँ प्रोभिजन गरेकोमा गत वर्षमा २५ अर्ब ९३ करोड रुपैयाँ प्रोभिजनमा राखेका छन् ।

जसले गर्दा गत आर्थिक वर्षमा वाणिज्य बैंकहरुको वितरणयोग्य नाफा २७.४६ प्रतिशतले घटेको छ । अघिल्लो आर्थिक वर्षमा वाणिज्य बैंकहरुको वितरणयोग्य नाफा ४७ अर्ब ३५ करोड रुपैयाँ थियो । गत आर्थिक वर्षमा १३ अर्बले घटेर ३४ अर्ब ३५ करोड रुपैयाँमा झरेको छ।

यस्तै गत वर्ष वाणिज्य बैंकहरुको प्रतिसेयर आम्दानीमा समेत गिरावट आएको छ । पछिल्ला वर्षहरुमा वाणिज्य बैंकको प्रतिसेयर आम्दानी निरन्तर घटिरहेको छ ।

पाँच वर्षअगाडि आर्थिक वर्ष २०७५/७६ मा वाणिज्य बैंकको औसत प्रतिसेयर आम्दानी १३.८७ प्रतिशत थियो । गत आर्थिक वर्ष २०७९/८० वाणिज्य बैंकको प्रतिसेयर आम्दानी घटेर १२.०९ प्रतिशतमा पुगेको छ ।

नेपाल बैंकर्स संघका अध्यक्ष सुनिल केसी आगामी वर्ष वाणिज्य बैंकको प्रतिसेयर आम्दानी अझै घट्ने बताउँछन् ।

‘गत वर्ष ४.४ प्रतिशत रहेको स्प्रेड दर (कर्जा र निक्षेपको औसत ब्याजदर अन्तर) साउनयता ४ प्रतिशतमा झार्ने निर्णय भइसकेको छ,’ उनले भने, ‘मर्जरमा गएका बाहेक सबै बैंकले चालू आर्थिक वर्षमा स्प्रेड दर घटाउनुपर्ने भएकाले बैंकको नाफा र प्रतिसेयर आम्दानी घट्ने निश्चित छ ।’

प्रकाशित मिति : १५ भाद्र २०८०, शुक्रबार ००:००  ६ : ४९ बजे

Motorable bridge constructed with investment of over Rs 131.2 million

KATHMANDU: Foreign Minister Dr Arzu Rana Deuba has congratulated her

Rs 60 million worth ginger sold in Triveni rural municipality

RUKUM PASCHIM: Triveni rural municipality of Rukum Paschim district has

Farmers struggle for fertilizer despite full warehouse in Siraha

KATHMANDU: Farmers in Siraha are facing difficulties in accessing chemical

Two teenage girls found dead in Achham

Two teenage girls, Saraswati Khadka (15) and Ishara Khadka (14),

Two arrested on charges of gangrape in Kailali

KATHMANDU: Two people have been arrested on charges of gang-raping