काठमाडौं । सुप्रिम सहकारी ठगी प्रकरणमा संलग्न रहेका पूर्वउपराष्ट्रपति नन्दबहादुर पुनका छोरा दीपेश पुन रिहा भएका छन् ।
उनी जिल्ला अदालत रुपन्देहीमा आज ४ लाख रुपैयाँ धरौटी बुझाएर रिहा भएका हुन् ।
सुप्रिम सहकारी ठगी प्रकरणमा पक्राउ परेका उनलाई धरौटीमा रिहा गर्न अदालतले वैशाख ५ गते आदेश दिएको थियो ।
५ गते रुपन्देही जिल्ला अदालतका न्यायाधीश डा. दीपक उप्रेतीको इजलासले पुन ४ लाख धरौटीमा रिहा गर्न आदेश दिएका थिए । अदालतले थुनछेक बहसपछि उक्त आदेश दिएको थियो ।
वैशाख ३ गते जिल्ला सरकारी वकिलको कार्यालयमार्फत जिल्ला अदालत रुपन्देहीमा उनीविरुद्ध मुद्दा दर्ता भएको थियो । ओखलढुङ्गा घर भएका जीबी राईसहित २८ जनालाई प्रतिवादी बनाएर सरकारी वकिल कार्यालयले मुद्दा दर्ता गराएको थियो ।
सहकारीमा राखेको निक्षेप हिनामिना गरेर ठगी गरेको आरोप लगाएर १ हजार ८३१ जनाले इलाका प्रहरी कार्यालय बुटवलमा जाहेरी दिएका थिए ।
SHARE YOUR THOUGHTS