काठमाडौं । दुरसञ्चार सेवा प्रदायक कम्पनी एनसेल नेपाल प्रिमियर लिग (एनपीएल) क्लब लुम्बिनी लायन्सको टाइटल स्पोन्सर बनेको छ । एनपीएलको पावर्ड बाइ स्पोन्सर एनसेलले नेपाली क्रिकेट टोलीको कप्तानसमेत रहेका रोहित पौडेलको कप्तानीमा रहेको टिमको शीर्ष प्रयोजन गरेको हो ।
कार्यक्रममा लुम्बिनीका ब्रान्ड एम्बास्डर राजेश हमाल तथा टिमका विदेशी खेलाडीको उपस्थिति रहेको थियो ।
लुम्बिनी लायन्सका अध्यक्ष ईश्वर जीसी र एनसेलका प्रमुख कार्यकारी अधिकृत जब्बर कायोमोभले टाइटल स्पोस्सरसिपको सम्झौतापत्रमा हस्ताक्षर गरे ।
सो अवसरमा जीसीले स्थानीय स्तरमै पुगेर क्रिकेटको प्रबर्द्धन गर्न यो सम्झौता भएको बताए । लुम्बनी लायन्स र एनसेनको सहकार्यपछि टेलिकमको लायन र क्रिकेटको लायन मिलेर गर्जने जीसीको भनाइ छ ।
एनसेल सिद्धार्थ बैंक एपीएलको पावर्ड बाइ स्पोन्सर पनि हो । एनपीएलमा ८ टिमले प्रतिस्पर्धा गर्दैछन् ।
SHARE YOUR THOUGHTS