सेयर बजारमा गिरावट, लगानीकर्ताको ध्यान विकास बैंकमा

काठमाडौं । सेयर बजारमा गिरावट आएको छ ।

बजार मापन गर्ने सूचक ९.९९ अंकले घटेर परिसूचक २७३८.०६ बिन्दु कायम भएको छ । ३१४ कम्पनीको १ करोड ६७ लाख ६७ हजार १६८ कित्ता सेयर ८ अर्ब ८३ करोड २२ लाख २५ हजार ८९२ रुपैयाँको सेयर किनबेच भएको छ ।

कारोबारमा ६३ कम्पनीको सेयर मूल्य बढेको छ भने १७८ वटाको घटेको छ । कारोबारमा विकास बैंक, होटल र ट्रेडिङ समूहको उपसूचक बढेको छ भने भने बाँकी समूहको उपसूचक घटेको छ ।

कारोबारमा ५ कम्पनीको सेयर मूल्यमा सकारात्मक सर्किट लागेको छ । सर्किट लागेका कम्पनीमा विशाल बजार बाहेक सबै विकास बैंक रहेका छन् । कारोबारमा जानकी फाइनान्सको सेयर मूल्यमा नकारात्मक सर्किट लागेको छ ।