सेयर बजार राताम्मे, ६ अर्ब बढीको कारोबार

काठमाडौं । सेयर बजार राताम्मे भएको छ । कारोबारको सुरुदेखि घटेको बजार अन्तिम समयमा सम्हालिन प्रयास गरेपनि त्यो सम्भव भएन । बजार ३३.४२ अंकले घटेर परिसूचक २६८२.२९ बिन्दु कायम भएको छ ।

बजारमा दोहोरो अंकको गिरावट आउँदा परिसूचक २७ सय बिन्दुबाट तल झरेको छ । यो दिन ३०४ कम्पनीको १ करोड २३ लाख ७१ हजार ३१८ कित्ता सेयर ६ अर्ब १४ करोड ४० लाख ६५ हजार ७४४ रुपैयाँको सेयर कारोबार भएको छ ।

कारोबारमा उत्पादन तथा प्रशोधन समूहको उपसूचक बढेको भएपनि बाँकी समूहको उपसूचक राताम्मे भएका छन् ।
४० कम्पनीको सेयर मूल्य बढेको छ भने २०४ कम्पनीको सेयर मूल्य घटेको छ ।

कारोबारमा त्रिशुली जलविद्युत कम्पनी, नारायणी डेभलपमेन्ट बैंक, कुथली बुखरी स्मल हाइड्रोपावर कम्पनीका लगानीकर्ताले कमाएका छन् भने जानकी फाइनान्स, इङ्वा हाइड्रोपावर, इमर्जी नेपाल, जोशी हाइड्रोपावर डेभलपमेन्ट कम्पनीका लगानीकर्ताले गुमाएका छन् ।