एनपीएल फाइनलः जनकपुरविरुद्ध पहिले ब्याटिङ गर्दै सुदूरपश्चिम

काठमाडौं । नेपाल प्रिमियर लिग (एनपीएल) को फाइनल खेलमा सुदूरपश्चिम रोयल्सले जनकपुर बोल्ट्सविरुद्ध टस जितेर पहिले ब्याटिङ गर्ने भएको छ ।

त्रिवि क्रिकेट मैदानमा सुदूरपश्चिमका कप्तान दिपेन्द्र सिंह ऐरीले टस जितेर पहिले ब्याटिङ रोजेका हुन् ।

क्यालिफायर एकमा जनकपुरलाई हराउँदै सुदूरपश्चिम फाइनलमा प्रवेश गरको थियो । यता क्वालिफायर दुईमा कर्णाली याक्सलाई हराउँदै जनकपुरले फाइनलमा स्थान बनाएको थियो ।

लिग चरणको खेलमा सुदूरपश्चिमले समग्रमा फाइनल पुग्न अघि ८ खेल खेल्दा १ खेलमा मात्र पराजय व्यहोर्यो । यता जनकपुरले प्रतियोगिताको लिग चरणका ७ खेल मध्य ५ खेलमा जित निकाल्यो । लिगचरणमा जनकपुर सुदूरपश्चिमसँग पराजित भएको थियो ।