प्रतियोगिता सकिएको दुई महिनापछि महिला फुटबल खेलाडीले पाए जनही ३ लाख पुरस्कार

काठमाडौं । सरकारले गत कात्तिक महिनामा काठमाडौंमा भएको साफ वुमन च्याम्पियनसिप, फुटबलमा पदक विजेता खेलाडीलाई पुरस्कृत गरेको छ ।

गत मंगसिर २८ गते मन्त्रिपरिषदको निर्णय अनुसार साफ महिला फुटबल च्याम्पियनशिपमा दोस्रो स्थान हासिल गरेको नेपाली खेलाडीलाई आज मंगलबार प्रधानमन्त्री केपी शर्मा ओलीले बालुवाटारमा एक कार्यक्रमको अयोजना गर्दै पुरस्कार प्रदान गरेका हुन् ।

खेलाडीहरुलाई जनही ३ लाख रुपैयाँ प्रदान गरिएको थियो भने मुख्य प्रशिक्षक राजेन्द्र तामांगलाइ २ लाख र सहायक प्रशिक्षकहरुलाइ जनही ६० हजार रुपैयाँ पुरस्कार पाएका छन् । त्यस्तै व्यवस्थापक वृन्दा देवान र फिजियो नविना श्रेष्ठले जनही एक लाख १२ हजार रुपैयाँ पुरस्कार पाएका छन् ।

त्यस्तै गत असोज १ गतेदेखि ७ गतेसम्म भएको २०औं एसियाली कराँते च्याप्यियनसिफमा पदक विजेता एरिका गुरुङ, मुख्य प्रशिक्षक कुशल श्रेष्ठलगायतलाई पुरस्कार पाएका छन् ।

एरिका गुरुङ ६ लाख रुपैयाँ पाउँदा मुख्य प्रशिक्षक कुशल श्रेष्ठले १ लाख ८० हजार रुपैयाँ पुरस्कार पाए ।

यस्तै गत साउन १७ गतेदेखि २० गतेसम्म भुटानको थिम्पुमा भएको कावा बीच महिला तथा पुरुष भलिबल प्रतियोगितामा विजेता कमला पुन, मनिषकुमारी चौधरी, प्रशिक्षक रुपेशकुमार विष्टलाई पनि पुरस्कार पाएका छन् ।

प्रतियोगितामा स्वर्ण पदक जितेका कमला पुन र मनिषा कुमारी चौधरीले पाँच लाख पाए । कास्य पदक जितेका मान बाहादुर श्रेष्ठले र दिलिप बहादुर सुनुवारले ३ लाख रुपैयाँ पाए । यता दुबै टोलिका प्रशिक्षक रहेकारुपेश कुमार बिष्ट ३ लाख रुपैयाँ पाए ।