फेसबुक अहिले धेरैको प्रिय बन्दै गएको छ । कतिपयका लागि त फेसबुक लतको रुपमा रहेको छ भने कतिपयलाई आफ्नो व्यापार व्यवसायलाई बढाउने माध्यम भएको छ । धेरैलाई भने आफूलाई सोसल मिडियामा उपस्थिति गराउने माध्यम भएको छ ।
यसका बावजुद पनि धेरै प्रयोगकर्ताहरू फेसबुकले बनाएको सामान्य नियमहरु पालना गर्न चुक्दा धेरै पटक अकाउन्ट ब्लकमा पर्ने गरेका छन् । यदी तपाईले आफुलाई फेसबुकमा स्मार्ट देखाउन चाहनुहुन्छ र ब्लक हुनवाट रोक्न चाहनुहुन्छ भने यी कामहरु फेसवुकमा नगर्नुहोस् ।
१. अनावश्य मेसेज नपठाउने
एकै पटक वा छिनछिनमा चिनेको वा नचिनेका ब्यक्तिहरुलाई एउटै किसिमका मेसेजहरु धेरै पठाउनु हुदैन । यसरी पठाएका मेसेजहरु पाउने ब्यक्तिले अनवेलकम गरिदिएमा तपाईको एकाउन्ट केही समयका लागि ब्लक हुन सक्छ । स्वभाविक भन्दा बढि म्यासेजलाई स्पाम म्यासेजको रूपमा पनि लिने खतरा हुन्छ ।
२. धृणा र अतिरंजित कुरा पोष्ट नगर्ने
कुनै पनि समुदाय वा समाजमा विचलन हुने किसिमको सामग्रीहरु पोस्ट गरेमा फेसव्ुकले उक्त एकाउन्टलाई केही समय ब्लक गर्न सक्छ ।
३. फोटो र भिडियो पोष्ट गर्दा ध्यान दिने
फेसबुकले आफ्नो पोलिसिमा स्पट रुपमा अश्लिलता भएको, लागू औषध, ब्यक्तिगत आक्षेप लगाउने किसिमका फोटो र भिडियो पोष्ट गर्न मनाही गरेको छ । यदी फेसवुकले वा कुनै ब्यक्तिले उक्त फोटो प्रति सुचना दिएमा एकाउन्टलाई केही समयसम्म रोक्न सक्छ ।
४. अधिकार नभएको कन्टेन पोष्ट नगर्ने
यदी तपाइसँग कुनै फोटो, भिडियो वा टेक्सको प्रतिलिपि अधिकार छैन भने त्यस्ता फोटो, भिडियो र टेक्सहरुलाई डाउनलोड गरेर आफ्नो पेजबाट पोस्ट गर्नु हुदैंन । यस्तो अवस्थामा फेसबुकले थाहा पाएमा वा अरु कसैले उजुरी गरेमा तपाईको एकाउन्टलाई केही समय ब्लक गर्न सक्छ । यस्तो अवस्थामा उक्त फोटो, भिडियो वा टेक्सलाई सेयर गर्नु राम्रो हुन्छ ।
५. पोक बढी नगर्ने
फेसवुकले दिएको एउटा सुविधामा पोक पनि रहेको छ । यदी तपाईले एउटै ब्यक्तिलाई वारम्वार पोक गरेर सताउन थाल्नु भयो भने पनि तपाईको एकाउन्टलाई फेसवुकले केही समयका लागि ब्लक गरिदिन्छ ।
६. धेरै ग्रुपमा नजाने
फेसवुकले २ सय सम्म ग्रुपमा आबद्ध हुन दिन्छ । त्यो भन्दा बढी ग्रुपमा आबद्ध भएमा फेसवुकले तपाईको एकाउन्टलाई केही समय ब्लक गरेर राख्छ ।
७. अनावश्यक फ्रेन्ड र गेम रिक्वेस्ट नगर्ने
फेसबुकमा नचिनेको मान्छेहरुलाई फ्रेन्ड रिक्वेस्ट र गेम रिक्वेस्ट लगातार पठाइरहनु हुदैंन । यस्तो धेरै गरेमा पनि फेसबुकले तपाईको एकाउन्टलाई केही घन्टा वा दिनलाई ब्लक गरेर राख्न सक्छ ।
प्रतिक्रिया