सेयर बजारमा दोहोरो अंकको गिरावट, कारोबार रकम पनि घट्यो

काठमाडौं । सेयर कारोबारको सुरुमा नै घटेको बजार केही समयमा फर्कपनि त्यो लामो समय टिक्न सकेन । अन्तिम समयमा सेयर बजारमा दोहोरो अंकको गिरावट आएको छ ।

बजारमा गिरावट आएसँगै कारोबार रकममा पनि गिरावट आएको छ । नेप्से मापन गर्ने सूचक १४.९९ अंकले घटेर परिसूचक १४४९.९४ बिन्दुमा रोकिएको छ ।
१८५ कम्पनीको ४९ लाख ७६ हजार ४८८ कित्ता सेयर १ अर्ब ८७ करोड २२ लाख २० हजार ४४७ रुपैयाँको सेयर किबनेच भएको छ ।

कारोबारमा बैंकिङ समूहको २०.७५, विकास बैंक १३.०३, जलविद्युत कम्पनी २१.४५, निर्जीबन बीमा ३१.१८, माइक्रोफाइनान्स ७.०२, जीवन बीमा समूहको उपसूचक १०९.१२ अंकले घटेको छ । यस्तै होटल २१.८४, टे«डिङ २१.८४ र उत्पादन तथा प्रशोधन समूहको उपसूचक ७४.६४ अंकले घटेको छ ।

एनआईसी एसिया लघुवित्त वित्तीय संस्था, श्री राम सुगर मिल्स, समृद्धि फाइनान्स, सोल्टि होटल, यूनिलिभर नेपालका लगानीकर्ताले कमाउँदा हिमाल दोलखा हाईड्रोपावर, गुराँस लघुवित्त वित्तीय संस्था, स्पर्श लघुवित्त वित्तीय संस्था, घोडाघोडी लघुवित्त वित्तीय संस्थाका लगानीकर्ताले गुमाएका छन् ।