विद्युतीय कार निर्माता कम्पनी टेस्लाका मालिक तथा विश्वका सबैभन्दा धनी व्यक्ति समेत रहेका एलन मस्कले भारतको कर्नाटकमा टेस्लाको कारखाना स्थापना गर्ने भएका छन् ।
अत्याधुनिक सेवा सुविधा सहितका विद्युतीय गाडी टेस्ला उत्पादन गर्दै आएको उनको कम्पनीले अब भारतमा पनि कारखाना स्थापना गर्न लागेको हो ।
भारतको कर्नाटका सरकारले विद्युतीय कार उत्पादन गर्नका लागि टेस्लाले कारखाना स्थापना गर्न लागेको जानकारी दिएको छ । त्यहाँको सरकारले बजेटबारे जानकारी दिँदै उक्त कुरा सार्वजनिक गरेको हो ।
गत महिला विद्युतीय कार निर्माता कम्पनी टेस्ला मोटर्स इन्डिया र इनर्जी प्रालिले भारतको बैंग्लरुमा कम्पनी स्थापना गरेका थिए ।
त्यहाँका मुख्यमन्त्री बीएस ऐदियुराप्पाले ट्विट गर्दै भारतको बैंग्लरुमा कारखाना स्थापना गर्ने बताएका थिए । तर उनले उक्त ट्विट पछि डिलिट गरेका थिए । उनले ट्विटले टेस्लाकै कुरा गरेको हो वा होइन भन्न अझै स्पष्ट भएको छैन ।
यस विषयमा टेस्लाले स्पष्ट जानकारी दिएको छैन । तर मिडिया रिपोर्ट अनुसार एडियुरप्पाले सन् २०२१ को युनियन बजेट सार्वजनिक गर्दै अमेरिकी कम्पनी टेस्लालले कर्नाटकमा उत्पादन कारखाना खोल्ने बताएका थिए ।
यसअघि विभिन्न समयमा भारतमा कारखाना खोल्ने विषयलाई लिएर ट्विट गरिसकेका छन् ।– एजेन्सी
SHARE YOUR THOUGHTS