यतीको नयाँ बर्ष अफर : प्रोमो कोर्डमार्फत् सस्तो मूल्यमा हवाई टिकट

काठमाडौं । निजी क्षेत्रको अग्रणी हवाई संस्था यती एअरलाइन्सले नयाँ वर्षमा विशेष अफर सार्वजनिक गरेको छ ।

नेपाली आकाशमा २३ वर्षदेखि निरन्तर सेवा प्रदान गर्दै आएको यती एअरलाइन्सले आफ्नो एरअलाइन्सको मोबाइल एप्सबाट टिकटखरीद गर्दा प्रोमो कोर्डको प्रयोगमार्फत सस्तो मूल्यमा हवाई टिकटको व्यवस्था मिलाएको छ ।

एअरलाइन्सका प्रवक्ता एवम् हवाई सुरक्षा प्रमुख सुदर्शन बर्तौलाले नयाँ वर्षको शुभकामना सहित यात्रुहरुका लागि यो सुविधा सहितकोअफर सार्वजनिक गरेको जानकारी दिए । उक्त अफर तीन दिनका लागि खुला गरिएको प्रवक्ता बर्तौलाको भनाइ छ ।

कहाँ जान कति भाडा ?

नयाँ अफरसँगै यात्रुले एकतर्फी रुपमा काठमाडौँ–पोखरा रु १ हजार ५७८, काठमाडौँ–भैरहवा रु १ हजार ६७८, काठमाडौँ–विराटनगर रु२ हजार ७८, काठमाडौँ–भद्रपुर रु २ हजार ३७८ र काठमाडौँ–नेपालगञ्ज २ हजार ९७८ हवाई भाडा तिरे पुग्छ ।