युनिलिभर नेपालले घोषणा गर्‍यो अहिलेसम्मकै उच्च लाभांश, प्रतिकित्ता १५८० रुपैयाँ

काठमाडौं । बहुराष्ट्रिय कम्पनी युनिलिभर नेपालले हालसम्मकै उच्च लाभांश घोषणा गरेको छ । कम्पनीले गत आर्थिक वर्षको नाफाबाट सेयरधनीलाई प्रतिकित्ता १ हजार ५८० रुपैयाँका दरले नगद लाभांश दिने घोषणा गरेको हो ।

असोज २६ गते बसेको कम्पनीको सञ्चालक समितिको बैठकले उक्त लाभांश घोषणा गरेको जनाएको छ । लाभांश घोषणा गरेको कम्पनीले मंसिर १२ देखि २६ सम्म बुक क्लोज गर्ने भएको छ ।

मंसिर ११ सम्म कायम सेयरधनीले उक्त लाभांश पाउनेछन् । युनिलिभरले आव २०७८/७९ को नाफाबाट सेयरधनीलाई प्रतिकित्ता १ हजार २१५ रुपैयाँ लाभांश प्रदान गरेको थियो ।