सोल्टी होटलले ३१.५७ प्रतिशत लाभांश दिने, बुक क्लोज कहिले ?

काठमाडौं । सोल्टी होटलले सेयरधनीलाई लाभांश घोषणा गरेको छ ।

मंसिर १ गते बसेको सञ्चालक समितिको बैठकले गत आवको नाफाबाट लाभांश घोषणा गरेको हो । कम्पनीले सेयरधनीलाई २६.५७ प्रतिशत नगद लाभांश दिने प्रस्ताव गरेको छ । यस्तै ५ प्रतिशत बोनस सेयर दिने प्रस्ताव गरेको छ ।

कम्पनीले पुस २६ गते बार्षिक साधारणसभा बोलाएको छ । सभा प्रयोजनका लागि पुस ५ गतेदेखि २६ गतेसम्म बुक क्लोज गर्ने भएको छ । पुस ४ गतेसम्म कायम रहेका सेयरधनीले कम्पनीले तोकेको लाभांश पाउने छन् भने सभामा सहभागी हुन पाउनेछन् ।