अहिलेको सरकार चीनको सहयोग लिन डराउँछः ओली

काठमाडौं । नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले वर्तमान सरकार चीनसँग सहयोग लिन डराउने गरेको बताएका छन् ।

सोमबार झुलाघाट–चिवाभञ्ज्याङ यात्राका क्रममा ओलीले दैलेखमा आठ राजनीतिक दलहरूले बुझाएको ध्यानाकर्षपत्र बुझ्दै चीन सरकारले कुनै पनि कुरामा नेपाललाई सहयोग गर्ने भनिरहँदा पनि अर्को शक्तिका कारण वर्तमान सरकार सहयोग लिनबाट डराउने गरेको दाबी गरे ।

दलले अब राजनीतिक कुरा गरेर मात्र नहुने र विकासका लागि राजनीति गर्नुपर्ने उनले बताए । नेताहरु राजनीतिका मात्रै नभइ विकासका नेता हुनुपर्ने ओलीको भनाइ छ ।

विकास अरु देशले आएर नगर्ने भन्दै उनले आफ्नो देशको विकास आफैँले गर्नुपर्ने भएकाले तत्काल विकासको लागि काम थाल्न नेता/कार्यकर्ताहरुलाई निर्देशन दिए ।

अध्यक्ष ओलीले नेपालसँग निर्यात गर्ने सामग्री उत्पादन हुन नसकेको बताए ।