काठमाडौं । प्रभु बैंक लिमिटेडका ग्राहक तथा कर्मचारीहरुलाई कमलादीस्थित हेयर एन्ड शान्ति युनिसेक्स सैलुनले विशेष छुट दिने भएको छ । प्रभु बैंक लिमिटेड र सैलुनबीच यस्तो सम्झौता भएको हो ।
एक समारोहबीच हेयर एन्ड शान्ति युनिसेक्स सैलुनका तर्फबाट निर्देशक रामकुमार श्रेष्ठ र प्रभु बैंक लि.का तर्फबाट प्रमुख बजार व्यवस्थापन अधिकृत रविन्द्र ढकालले समझदारी पत्रमा हस्ताक्षर गरेका छन्।
उक्त समारोहमा प्रभु बैंकका बजार व्यवस्थापकका तर्फबाट म्यानेजर दिना चित्रकार र अधिकृत आशुतोष सिंह कठायत तथा हेयर एण्ड शान्तिका तर्फबाट म्यानेजर पुजा थापाको समेत उपस्थिति रहेको थियो।
सम्झौताअनुसार प्रभु बैंकका सम्पूर्ण ग्राहकहरु तथाकर्मचारीहरुले हेयर एण्ड शान्तिमा सौन्दर्य सम्बन्धी सेवा लिँदा (थ्रेड्रिङ बाहेक)ग्राहकहरुलाई १०प्रतिशत र कर्मचारीहरुलाई ३०प्रतिशतसम्म छुट प्राप्त गर्न सक्नेछन्।
छुट सुविधाप्राप्त गर्नका लागि ग्राहकहरुले मान्य डेबिट कार्ड, क्रेडिट कार्ड तथा विद्युतीय प्रणालीमध्ये कुनै एक तथा बैंकका कर्मचारीहरुले प्रभु बैंक लिमिटेडको कर्मचारी परिचयपत्रसमेत पेस गर्नुपर्ने छ।
SHARE YOUR THOUGHTS