काठमाडौं । सिप्रदी ट्रेडिङले टाटा टियागोको सबै भेरियन्टका गाडीको मूल्य १ लाख रुपैयाँले बढाएको छ ।
सरकारले आर्थिक ऐन ल्याएर विद्युतीय सवारीसाधन (ईभीमा) १० प्रतिशत कर बढाउने निर्णय गरेसँगै सिप्रदीले टियागोको मूल्य बढाएको हो । ५० किलोवाटसम्मका सवारीसाधन ५ प्रतिशतभन्सार र ५ प्रतिशत अन्त शुल्क बढाएको छ ।
५ प्रतिशत भन्सार शुल्क बढाएर १० प्रतिशत बनाएको छ भने यस अघि अन्तशुल्क छुट थियो । ५ प्रतिशत लाग्ने गरी ऐन ल्याइएको छ ।
| क्र.स. | भेरियन्ट | मुल्य (रुपैयाँमा) |
| १ | एक्स टी | २७ लाख ४९ हजार |
| २ | एक्स जेड प्लस | २८ लाख ९९ हजार |
| ३ | एक्सजेड प्लस टेक लक्स | २९ लाख ९९ हजार |
१ लाख रुपैयाँ मूल्य बढेसँगै टप भेरियन्टको २९ लाख ९९ हजार रुपैयाँ पुगेको छ । एक्सटी भेरियन्टको २७ लाख ४९ हजार रुपैयाँ,एक्सजेड प्लस भेरियन्टको २८ लाख ९९ हजार र एक्सजेड प्लस टेक लक्स लक्जरी भेरियन्टको २९ लाख ९९ हजार रुपैयाँ ग्राहकले खरिद गर्न पाउनेछन् । टियागो ईभी ४९ किलोवाट क्षमताको गाडी हो ।
सिप्रदी ट्रेडिङका प्रमुख कार्यकारी अधिकृत राजनबाबु श्रेष्ठले सरकारले कर बढाउने निर्णय गरेसँगै कम्पनीले पनि मूल्य समायोजन गरेको बताए। उनले टियागोको सबै भेरियन्टमा १ लाख रुपैयाँ मूल्य बढेको स्वीकार गरे ।
SHARE YOUR THOUGHTS