सेयर बजार स्थिर, ४ अर्ब २० करोडको कारोबार

काठमाडौं । सेयर बजार स्थिर बनेको छ । बजार मापन गर्ने सूचक ०.२१ अंकले घटेर परिसूचक २६७७.४० बिन्दु कायम भएको छ ।

३०२ कम्पनीको ९७ लाख १३ हजार ७३० कित्ता सेयर ४ अर्ब २० करोड ५५ लाख ५ हजार २३७ रुपैयाँको सेयर किनबेच भएको छ । कारोबारमा ११३ कम्पनीको सेयर मूल्य बढेको छ भने बाँकी १२३ कम्पनीको घटेको छ ।

कारोबारमा वित्त, होटल, जलविद्युत, जीवन बिमा, निर्जीबन बिमा र अन्य समूहको उपसूचकमा सुधार आएको छ । कारोबारमा बैंकिङ, विकास बैंक, उत्पादन तथा प्रशोधन, माइक्रोफाइनान्स, ट्रेडिङ समूहको उपसूचक घटेको छ ।

कारोबारमा सुपरमाई हाईड्रोपावर कम्पनीको सेयर मूल्यमा सकारात्मक सर्किट लागेको छ भने मिड सोलु हाईड्रोपावर कम्पनीको सेयर मूल्यमा नकारात्मक सर्किट लागेको छ ।