सुर्खेतमा गाडी दुर्घटना: ४ जनाको मृत्यु, २४ भन्दा बढी घाइते

सुर्खेत । सुर्खेतमा यात्रु बस दुर्घटनामा परेको छ । सुर्खेत-दैलेख सिमास्थित वीरेन्द्रनगर–१४, को रातानाङ्ग्ला नजिक भएको फोर्स गाडी दुर्घटनामा ४ जनाको मृत्यु भएको छ । मृतकको पहिचान भने भएको छैन ।

शुक्रबार दिउँसो दैलेख बजारबाट सुर्खेततर्फ आउँदै गरेको कर्णाली प्रदेश ०२००१ ख ०९९८ नम्बरको गाडी दुर्घटनामा परेको प्रहरीले जनाएको छ । दुर्घटनामा २५ जना घाइते भएका छन् ।

घाइतेलाई कर्णाली प्रदेश अस्पताल सुर्खेत पठाइएको छ । २९ जना सवार उक्त गाडी सडकबाट झण्डै दुई सय मिटर तल खसेको छ।
गाडीमा कति सवार थिए र कसरी दुर्घटना भयो भन्ने खुल्न बाँकी रहेको प्रहरीले जनाएको छ ।