काठमाडौंबाट भैरहवा उडेको बुध्दको विमान पोखरा डाइभर्ट, पोखरामै अड्किए रवि लामिछाने

काठमाडौं । काठमाडौंबाट भैरहवा उडेको बुध्द एयरको जहाज पोखरा ‘डाइभर्ट’ गरिएको छ ।

बुध्द एयरको बीएचए ८५१ जहाज काठमाडौंबाट गौतमबुद्ध अन्तर्राष्ट्रिय विमानस्थल भैरहवाका लागि उडेको थियो । तर, मौसम प्रतिकुल भएपछि विमान पोखरा डाइभर्ट भएको हो ।

त्यस्तै पोखराबाट भैरहवा उड्न तयारी अवस्थामा रहेको विमान पोखरामै होल्ड भएको छ । भैरहवाको मौसम नखुलेपछि रास्वपा सभापति लगायत विमानस्थलमै रहेका छन् ।