काठमाडौं महानगरको कार्यालयमा आजदेखि नि:शुल्क पार्किङ गर्न पाइने

काठमाडौं । काठमाडौं महानगरपालिकाको कार्यालय रहेको कमलादीस्थित काठमाडौं प्लाजामा आजदेखि निःशुल्क पार्किङ गर्न पाइने भएको छ ।

काठमाडौं महानगरपालिकाले सूचना जारी गरी आज साँझ साढे ५ बजेदेखि राति ११ बजेसम्म महानगरको कार्यालय परिसर गाडी पार्किङका लागि खुला हुने जानकारी दिएको हो ।

यो सुविधाले कमलादी, कमलपोखरी, पुतलीसडक, दरबारमार्ग क्षेत्र आसपासको सवारी साधन पार्किङ सहज हुने महानगरको विश्वास छ ।