दुई दिनमा तोलाको साढे १८ हजार रुपैयाँले घट्यो सुनको भाउ, आज कति पुग्यो ?

काठमाडौं । आज मंगलबार सुनको मूल्य प्रतितोला २ हजार ६ सय रुपैयाँले घटेको छ । सोमबार प्रतितोला १५ हजार ९ सय रुपैयाँ घटेको सुन मंगलबार पुन घटेको हो ।

नेपाल सुनचाँदी व्यवसायी महासंघका अनुसार आजका लागि सुनको भाउ प्रतितोला १ लाख ४८ हजार ७ सय रुपैयाँ तोकेको छ।

सोमबार सुनको मूल्य प्रतितोला १ लाख ५१ हजार ३ सय रुपैयाँ थियो । यसअघि कात्तिक १५ गते सुनको भाउ हालसम्मकै उच्च प्रतितोला १ लाख ७१ हजार रुपैयाँ पुगेको थियो ।

त्यस्तै चाँदीको भाउ आज प्रतितोला २५ रुपैयाँ घटेको छ । सोमबार प्रतितोला १८४५ रुपैयाँ रहेको चाँदी आज १८२० रुपैयाँ कायम भएको छ ।