कर्णालीले लुम्बिनीलाई दियो १२९ रनको लक्ष्य

काठमाडौं । कर्णाली याक्सले नेपाल प्रिमियर लिगमा लुम्बिनी लायन्सलाई १२९ रनको लक्ष्य दिएको छ।

कीर्तिपुरस्थित त्रिवि क्रिकेट मैदानमा टस हारेर ब्याटिङ गरेको कर्णालीले निर्धारित २० ओभरमा ८ विकेट गुमाउँदै १२८ रन बनायो ।

कर्णालीका लागि विलियम बोसिस्टो र अर्जुन घर्तीले पाँचौं विकेटका लागि ७२ रनको साझेदारी गरेका थिए । २५ बलमा २ चौका र १ छक्का प्रहार गरेका अर्जुनले २५ रन बनाए । त्यस्तै विलियमले ४४ रनको योगदान गरे । उनले ३० बलमा ३ चौका र ३ छक्का प्रहार गरे।

लुम्बिनीका विकाश आग्रीले सर्वाधिक ३ विकेट लिए । तिलक भण्डारीले २ तथा रोमन, साद बिन जाफर र रोहितकुमार पौडेलको नाममा समान एक विकेट लिए ।