काठमाडौं । नेपाल राष्ट्र बैंकले मौद्रिक नीतिमा उल्लेख गरेको विषय आजदेखि कार्यान्वयनमा ल्याएको छ ।
मौद्रिक नीतिले सेयरधितो राखेर लिएको ऋण सेयरको मुल्य २० प्रतिशतसम्म घट्दा मार्जिन कल गर्न नपर्ने व्यवस्था गरेको थियो ।
राष्ट्र बैंकले मार्जिन कल २० प्रतिशतसम्म घट्दा गर्न नपर्ने व्यवस्था आजदेखि कार्यान्वयनमा ल्याएको छ ।
यस्तै बैंकहरुको निक्षेप र कर्जाबीचको ब्याजदरको अन्तर(स्प्रेडदर) कम गर्न राष्ट्र बैंकले आज नै निर्देशिका जारी गरेको छ ।
राष्ट्र बैंकले साढे ४ प्रतिशत स्प्रेडमा काम गर्नुपर्ने व्यवस्था मौद्रिक नीतिमा गरेको थियो । जस अनुसार २०७६ असार मसान्तसम्ममा स्प्रेड साढे ४ प्रतिशतमा झार्नुपर्ने छ ।
असोज मसान्तसपछि कुनै पनि समयमा ५ प्रतिशतभन्दा बढी २०७६ असार मसान्तपछि साढे ४ प्रतिशतभन्दा बढी भएमा राष्ट्र बैंकले कारवाही गर्ने जनाएको छ । चैत मसान्तको अपरिस्कृत वित्तीय विवरण अनुसार ३ वटा वाणिज्य बैंकको स्प्रेड ५ प्रतिशतभन्दा बढी रहेको छ ।
यस्तै राष्ट्र बैंकले आजदेखि नै लागु हुने गरेर बैंक तथा वित्तीय संस्थाले संगठित संस्थाबाट आफ्नो निक्षेपमा १५ प्रतिशतभन्दा बढी लिन पाउने छैन ।
पुस मसान्तसम्म व्यक्तिगत तर्फ ५० लाखभन्दा बढी ओभरड्राफ्ट लिन नपाइने सिमा पनि राष्ट्र बैंकले तोकेको छ ।
