बैंकबाट ऋण मिलाइदिन्छु भन्दै घुस माग्ने हेडमास्टरलाई अख्तियारले पक्रियो

काठमाडौं । नेपाल बैंक लिमिटेड श्रीपुर शाखा, वीरगञ्जबाट कृषि ऋण मिलाइदिने भन्दै घुस लिएको अभियोगमा नेपाल राष्ट्रिय प्राथमिक विद्यालय छिपहरमाई पर्साका प्रधानाध्यापक प्रभु गिरी पक्राउ परेका छन् ।

अख्तियार दुरुपयोग अनुसन्धान आयोगले प्रधानाध्यापक गिरीलाई १२ हजार घुससहित आज विद्यालय परिसरबाट पक्राउ गरेको हो ।

गिरीको अनुसन्धान भइरहेको आयोगका प्रवक्ता रामेश्वर दङ्गालले जानकारी दिए ।