काठमाडौं । विकास बैंक र फाइनान्स कम्पनीले पनि ब्याजदर बढाउने भएका छन् ।
नेपाल बैंकर्स संघले फागुनदेखि लागू हुने गरी ब्याज बढाउने निर्णय गरेसँगै विकास बैंक र फाइनान्स कम्पनीले पनि ब्याज बढाउने निर्णय गरेका हुन् ।
राष्ट्रिय स्तरका विकास बैंकले एक वर्षे मुद्दती निक्षेपको ब्याज (व्यक्तिगत तर्फ) ११.५५ प्रतिशत र क्षेत्रिय स्तरका विकास बैंककाे ११.६५ प्रतिशत हुने एक विकास बैंकका एक सीइओले बताए ।
यस्तै फाइनान्स कम्पनीको भने एक वर्षे मुद्दती निक्षेपको ब्याज (व्यक्तिगत तर्फ) ११.७१ प्रतिशत पुग्नेछ ।
वाणिज्य बैंककाले ब्याजदर बढाएपछि बजारमा टिक्नको लागि भएपनि ब्याजदर बढाउने परेको फाइनान्स कम्पनीको सीइओको भनाइ छ । वाणिज्य बैंकको तुलनामा फाइनान्स कम्पनीले दिने ब्याज करिब १ प्रतिशत भन्दा कम अन्तर रहेको छ ।
SHARE YOUR THOUGHTS