ड्रोनबाट हेर्दा यस्तो देखियो भोलिबाट एनपीएल हुने टियु क्रिकेट मैदान (तस्बिरहरु)

काठमाडौं । भोलिदेखि सुरु हुने नेपाल प्रिमियर लिग (एनपीएल) को लागि कीर्तिपुरस्थित टीयू अन्तर्राष्ट्रिय मैदानको तयारी अन्तिम चरणमा पुगेको छ ।

मैदानको पिचदेखि पहिलोपटक राखिएको डिजिटल स्कोर बोर्ड, दर्शकहरुको सुविधाका लागि फ्यान जोन र भीआईपी ठाउँको लागि अस्थायी प्यराफिट पनि निर्माण गरिएको छ ।

एनपीएलमा ८ टोली सहभागी छन् । भोलिको उद्घाटन खेल विराटनगर किङ्स र जनकपुर बोल्ट्सबीच हुँदैछ ।

खेलका लागि सबै टिकट बिक्री भइसकेको नेपाल क्रिकेट संघले जनाएको छ । टिकट नभएकाले पासका लागि सम्पर्क नगर्न क्यान सचिव पारस खड्काले आग्रह नै गरेका छन् । युट्युब र टेलिभिजनबाट खेल हेर्न उनको आग्रह छ ।

तस्बिरहरु- नेपाल फोटो लाइब्रेरी/क्लिकमान्डु